Diskutim Panel: “Banimi si Nevojë Themelore, jo Privileg: Politikat Lokale për të Rinjte”

Më 18 shtator, në Javna Soba, u zhvillua diskutimi panel “Banimi si Nevojë Themelore, jo Privileg”, ku të rinjtë, ekspertët dhe kandidatët për Kryetar të Qytetit të Shkupit diskutuan për sfidat dhe mundësitë për banim të aksesueshëm.

Diskutimi theksoi rëndësinë e banimit si një të drejtë themelore e njeriut dhe një parakusht për stabilitet, pavarësi dhe një jetë dinjitoze. U theksua se të rinjtë në Maqedoninë e Veriut, mesatarisht, largohen nga shtëpitë e prindërve në moshën 32 vjeç, dhe më shumë se 70% e të rinjve në moshën 25 deri 29 vjeç ende jetojnë me prindërit për shkak të kostove të larta dhe mundësive të kufizuara për pavarësi.

Panelistët ranë dakord se për të adresuar problemet e banimit nevojiten politika lokale gjithëpërfshirëse, të qëndrueshme dhe të ndara në mënyrë të drejtë, si dhe mbështetje nga institucionet, sektori privat dhe organizatat e shoqërisë civile.

Ngjarja ishte një mundësi që të rinjtë të ndanin idetë dhe përvojat e tyre, ndërsa panelistët propozuan zgjidhje konkrete për banim të aksesueshëm dhe një mjedis jetese më të mirë për të rinjtë në qytet.

Falënderim të veçantë për të gjithë pjesëmarrësit dhe panelistët që kontribuan në këtë diskutim të rëndësishëm për banim për të gjithë.