Kongresi për mobilitet në Berlin

Gjatë fjalimit të tij, ai theksoi se përkrahja nga Gjermania është e rëndësisë së veçantë në ballafaqimin e sfidave të vendit tonë, gjersa vetëm bashkarisht mund të luftojmë për ambient të pastër jetësor, pasi që ndotja e ajrit nuk ka kufi. Krahas kësaj, u realizua edhe takim me Ministren për Mjedis Jetësor të Gjermanisë, Barbara Hendriks. Sfidat e rëndësishme, përvojat pozitive, por edhe hapat konkret për bashkëpunim bilateral në një të ardhme të afërt mes dy ministrive dhe përfaqësuesve parlamentar u diskutua në këtë takim. Eksperti i Politikës Klimatike dhe Energjetike nga OJQ Germanwatch, Martin Shon, ndau pamje të rëndësishme të sfidave të Maqedonisë së Veriut në mbrojtjen e mjedisit jetësor ku dhe potencoi nevojën e aksioneve dhe shembujve pozitiv në nivel lokal. U realizua edhe vizitë njëditore në Feldhajm – një nga shembujt më të suksesshëm dhe të njohur botëror si fshat energjikisht i vetë-qëndrueshëm.