Школа за женски активизам - Прв модул

Претседателката на Форумот на жени на СДСМ, Јована Тренчевска ги поздрави учесничките на деветата генерација и ги запозна со историјата на Школата за женски активизам и бенефитите од истата. Со поздравни говори се обратија и претставнички на партнерите на Форум на жени на СДСМ Нита Старова, проектна координаторка на Фондацијата Фридрих Еберт со канцеларија во Скопје и Марија Марковска Крушаровска, финансиска менаџерка на Прогрес Институт за социјална демократија. Професорот Ѓорѓи Спасов беше еден од предавачите, којшто зборуваше за основите и развојот на Социјалдемократијата.

Школата за женски активизам е проект кој се реализира веќе деветта година во четири модули. Со завршување на Школата учесничките ќе бидат родово сензитивни и охрабрени политичарки за понатамошно нивно инволвирање и делување во политиката и општествениот живот.