Преку младинска партиципација и дијалог кон успешни младински политики – регионална младинска конференција

Целта на конференцијата беше да овозможи размена на искуства и најдобри практики помеѓу младинските организации и младинските совети со цел младите да се вклучат уште поефикасно во социјалните процеси и да влијаат врз подобрување на квалитетот на младинските политики.

Директорот на Агенцијата за млади и спорт Дарко Кајевски, Претседателот на Националниот младински совет Блажен Малески, како и претставници на националните младински совети на Србија, Словенија, Шпанија и Албанија загатнаа низа прашања поврзани со учеството на младите во процесот на донесување одлуки за политиките и за различните конкретни полиња во кои треба да се вклучат претставници на младите.