Политички дијалог и активности со граѓанскиот сектор

По дефиниција, политички дијалог се смета дека е „размена на гледишта, што претпоставува присуство на барем два ентитета” – понекогаш тие ентитети се политички партии, понекогаш организации на граѓанското општество, понекогаш се синдикати, и идеално може да бидат комбинација од сите три.

Соработката помеѓу различните видови на ентитети и материјализирањето и користењето на нивните заеднички концепти и стратегии често го дава својот краен резултат во форма на Социјална кохезија – процес кој е целосно поддржан од Фондацијата Фридрих Еберт во Северна Македонија и во сите нејзини канцеларии насекаде во светот.

Политичкиот дијалог и активностите со граѓанскиот сектор се основните столбови кои доведуваат до функционална демократија и се процеси кои треба постојано да се негуваат и одржуваат во секое општество.