Конструктивна политика

Проект координаторката на Фондација Фридрих Еберт - Скопје Нита Старова истакна дека предноста на демократското уредување е политичкиот плурализам.

„Предноста на демократското уредување на едно општество е политичкиот плурализам кој овозможува претставување и изразување на различните политички и идеолошки групи, но истовремено демократијата подразбира и негување на култура на дијалог и дебата на различните идеолошки позиции и гледишта, особено кога се работи за теми кои се од суштинско значење и ги засегаат сите граѓани во општеството, како што е случајот со темата која ја дискутираме денес – градење на ефикасен модел за финансирање на јавното здравство. Заедно со Фондацијата Кондрад Аденауер одлучивме да ја подржиме иницијативата на СИГА за спроведување на моделот за конструктивна политика, затоа што веруваме дека само преку дијалог и конструктивна дебата може да се врати довербата кај граѓаните во политичките процеси“, рече Старова.