Future is Feminist - Moduli i tretë

Në të ardhmen, ata do të jenë më të pranishëm në tryezën ku merren vendime për të përmirësuar komunitetin, për të ndërtuar një shoqëri gjithëpërfshirëse dhe më të drejtë për të gjithë dhe është e rëndësishme të përdoret zëri i tyre për të bërë ndryshime pozitive në vend. Këto janë disa nga mesazhet e modulit të tretë të Programit #FutureIsFeminist të mbajtur në Ohër këtë fundjavë.

Në modulin “Menaxhimi i kohës dhe prioriteteve” morën pjesë konsulentja për menaxhim me njerëzit dhe ekspertja për zhvillim të karrierës Ivana Dojçinovska-Stojanoviq, deputetja në Kuvendin e Maqedonisë së Veriut Sanela Shkrijelj dhe drejtorja e SIGA Mila Carovska.

Programi “Future is Feminist”, i organizuar nga Fondacioni Fridrih Ebert, në bashkëpunim me Shoqatën për zhvillim të qëndrueshëm dhe gjithëpërfshirës SIGA, është një seri trajnimesh për vajzat dhe gratë e reja dhe frymëzuese, të cilat janë të gatshme të mësojnë, të udhëheqin dhe t'u shërbejnë proceseve demokratike, si dhe të synojnë zhvillimin e karrierës së tyre në biznes apo politikë.

Përmes ligjëratave interaktive, pjesëmarrësit fituan njohuri se si të menaxhojnë kohën dhe prioritetet, si të përcaktojnë misionin personal, të delegojnë detyrat dhe të marrin një vendim, por edhe si të arrijnë rezultatet e ekipit përmes fuqisë së planifikimit.