Politika konstruktive

Koordinatorja e projektit të Fondacionit Fridrih Ebert - Shkup, Nita Starova, theksoi se përparësia e rregullimit demokratik është pluralizmi politik.

„Përparësia e rregullimit demokratik të një shoqërie është pluralizmi politik që mundëson përfaqësimin dhe shprehjen e grupeve të ndryshme politike dhe ideologjike, por në të njëjtën kohë demokracia gjithashtu nënkupton mbështetjen e një kulture të dialogut dhe debatit mbi qëndrime dhe pikëpamje të ndryshme ideologjike, veçanërisht kur bëhet fjalë për tema që janë të rëndësisë thelbësore dhe prekin të gjithë qytetarët në shoqëri, siç është rasti me temën që po diskutojmë sot – ndërtimi i një modeli efektiv për financimin e shëndetësisë publike. Së bashku me Fondacionin Kondrad Adenauer, vendosëm të mbështesim nismën e SIGA-s për të zbatuar modelin e politikave konstruktive, sepse besojmë se vetëm përmes dialogut dhe debatit konstruktiv mund të rikthehet besimi i qytetarëve në proceset politike", tha Starova.