ПОВИК ЗА УЧЕСНИЦИ НА ШКОЛАТА ЗА ПОЛИТИКИ ЗА 2021

Школата за политики при Претседателскиот центар за политичко образование ќе биде организирана во духот на демократските политички вредности, промоцијата и заштитата на човековите права, политичкиот плурализам, меѓусебната толеранција, заедништвото и солидарноста. Во таа насока, Школата ќе настојува да ги поврзе учесниците со различно професионално искуство, кои имаат желба со своите знаења и вештини да придонесат за позитивен развој на општеството, во рамки на четири едукативни семинари со еминентни предавачи и обучувачи од државата и од странство.

Ве охрабруваме да ја искористите оваа одличната шанса да го зајакнете своето знаење и да ги унапредите Вашите вештини, а воедно и да размените искуства со останатите учесници, предавачи и експерти!

Повеќе информации за концептот на Школата за политики, како и за постапката и критериумите за избор на учесници ќе дознаете ОВДЕ.