Школа за политики 2023 - Втор модул

Модулот го отвори директорот на Фондацијата Фридрих Еберт со канцеларија во Скопје, Рене Шлее, кој ја претстави работата на Фондацијата во земјата и пошироко и посочи на потребата од вклучување на младите во дискусиите за социјалните и економските политики. Тој напомена дека оваа програма е од особено значење, бидејќи овозможува платформа за дијалог помеѓу различните идеологии и ставови на учесниците.

Школата за политики при Претседателскиот центар за политичко образование е организирана во духот на демократските политички вредности, промоцијата и заштитата на човековите права и слободи, политичкиот плурализам, меѓусебната толеранција, заедништвото и солидарноста. Школата настојува да ги поврзе учесниците со различно професионално искуство, кои имаат желба со своите знаења и вештини да придонесат за позитивен развој на општеството, во рамки на пет едукативни семинари со еминентни предавачи и обучувачи од државата и од странство.